വെളുത്തവന്‍

വെളുക്കാതെ പോയത്

കറുത്ത ചെന്നിനായകം തേച്ചു തടുത്തിട്ടല്ല...
മുല വെളുതിട്ടല്ലായിരുന്നു നുരയും..

വെളുത്ത പകലെന്നോ മനുഷ്യരെന്നോ
ഇരുട്ടത്ത് കള്ളമേറ്റ് പടര്‍ത്താത്തതല്ല.....

ചുവപ്പിനു മുമ്പൊരു വെളുപ്പുണ്ടെന്നു
നിരാശയോട് വീമ്പ് പറയാതതുമല്ല........

വെളുപ്പേതും പ്രണയിച്ചപ്പോഴൊക്കെ
കറുത്ത് ഇല്ലാതായിട്ടേയുള്ളൂ......

പിന്നെന്താണ് കൂട്ടരേ,.......
മരിച്ച ശേഷം നിങ്ങളിവനെ
വെള്ള പുതപ്പിച്ചും,
വെള്ളക്കുതിരപ്പുറത്തേറ്റിയും,
കറുപ്പിന്റെ രോദനമേളകളിലും
വെളുത്ത സുന്ദരിമാര്‍ നിരന്ന്
കനത്ത സ്മൃതിയുടെ സമ്മാനങ്ങളാല്‍
സ്വീകരിച്ചാനയിച്ചുമിങ്ങനെ
വെളുപ്പിച്ചു കൊണ്ടേയിരിക്കുന്നത്.......   
(കവി അയ്യപ്പന് )


 ആദ്യം പോസ്റ്റിയത് - 2010